Төтенше жағдайлар министрлігінің хабарлауынша, 5 наурыз күні түстен кейін Алматы облысының төтенше жағдайлар департаментіне Қапшағай су қоймасының жағалауына жақын маңда мұз опырылып, 12 балықшы қалыңдығы шамамен 15 см мұзбен бірге жағадан алыстап бара жатқаны туралы хабар түскен. Құтқарушылар оқиға орнына барғанда мұз жағадан ондаған метр алыстап кеткен. ТЖД қызметкерлері балықшыларды арнайы техникамен жағаға аман-есен жеткізген. Құтқарылған азаматтардың барлығы Алматыдан келген.
Төтенше жағдайлар министрлігі қазіргі уақытта ауа температурасының жоғарылауына және желдің күшеюіне байланысты су қоймасында мұзға шығудың, мұзды ойып балық аулаудың қауіпті екенін ескертеді.
