Бұл туралы бүгін өткен көшпелі баспасөз мәслихатында аудан әкімі Алтай Досымбаев айтты.
Брифингте бірқатар әлеуметтік мәселелер көтерілді. Оның бірі – ауылдарды газдандыру. Қазіргі таңда аудандағы 64 елдімекеннің 14 пайызы ғана газға қосылған немесе 25 мың абоненттің 8,7 мыңы ғана көгілдір отынмен қамтылған.
«Ауқат Инвест» жеке инвестор компаниясы 5 ауылға газ тарту үшін жоба-сметалық құжатын дайындап жатыр. Жоба құны аталған құжат әзір болғанда анықталады. Тағы 3 жобаға қаражат бөлінді. Сонымен қатар 54 елдімекенді толық қамту мақсатында осы компания инвестициялық жоба әзірлеп жатқанын айта кеткен жөн. Алдымен жоғарыда аталған 5 ауыл, кейіннен кезең-кезеңімен қалған ауылдар көгілдір отынға қосылады. Бұл жоспар 5 жылға жалғасады. Газға қосылу бағасы шамамен 350 мың теңге болмақ», – деді әкім.
Сондай-ақ әкім көпқабатты үйлерді жылумен қамту үшін 16 блок-модульді қазандықтар орналастыру жоспарланғанын айтты. Бүгінгі таңда 15-нің құрылысы аяқталды, 1-уінің құжатына өзгерістер енгізіліп жатыр. Аталған жоспар мемлекеттік бағдарлама аясында іске асырылған.
Alatau News
