Қазгидромет синоптиктері 22 мамыр, дүйсенбі күні бірқатар өңірде күн бұзылуына байланысты ескерту жариялады. Түнде Алматы облысының оңтүстігінде, таулы аудандарында найзағай ойнап, бұршақ жауады, кей уақытта қатты жаңбыр жауады деп болжанып отыр. Солтүстік-шығыс желінің қарқыны найзағай кезінде 17-22 м/с жетеді, кей уақытта – 25 м/с.
Алматы қаласында күн күркірейді. Найзағай кезінде солтүстік-шығыс желінің жылдамдығы секундына 17 метрге жетеді.
Алматы облысының Төтенше жағдайлар департаменті осыған байланысты тұрғындарды ауа-райының құбылуын бақылап, сақтық шараларын орындауға шақырады.
Жетісу облысының таулы аудандарында нөсер жаңбыр болады, облыстың солтүстігі, оңтүстігі, орталығы және таулы аудандарында найзағай, бұршақ болады. Солтүстік-шығыстан жел соғады, найзағай кезінде желдің екпіні секундына 15-20 метрге, Алакөл маңында – 25 метрге дейін жетеді деп күтіліп отыр.
