Қонаев қаласы әкімінің өкімімен Ақмурзаев Тимур Байболсынұлы қала әкімінің орынбасары болып тағайындалды.
Тимур Байболсынұлы 1986 жылы Алматы облысында дүниеге келген. Жоғары білімді, жер кадастры және жылжымайтын мүлікті бағалау, сондай-ақ құқықтану мамандықтары бойынша білім алған.
Еңбек жолын Талдықорған қаласының жер қатынастары саласында бастаған. Сонымен қатар, ҚР Сауда және интеграция министрлігі жүйесінде, Алматы облысының энергетика және тұрғын үй-коммуналдық шаруашылық басқармасында жұмыс істеген.
Тағайындалғанға дейін Қонаев қаласының тұрғын үй-коммуналдық шаруашылық және тұрғын үй инспекциясы бөлімінің басшысы қызметін атқарды.