Алматы облысында 465,8 мың гектар алқапқа ауыл шаруашылығы дақылдары себілген. Биыл 183,2 мың гектар алқаптан дәнді дақыл жиналуы тиіс. Бүгінгі күні 107,7 мың гектар егістік алқабынан дақыл жиналды. Сонымен қатар 156,1 мың тонна астық бастырылып, орташа өнімділік гектарына 14,5 центнерді құрады. Сондай-ақ, 6,2 мың гектар жерден 103,9 мың тонна картоп, 15,5 мың гектар егістіктен көкөніс-бақша дақылдары жиналды.
Жалпы, күзгі жиын-терінге қажетті техникалар 100 пайыз дайын тұр. Шаруалар да саймандарын сайлап отыр. Оларға мемлекеттен көмек көрсетіліп, 135 шаруашылыққа 310 тонна дизель отыны берілді.
Alatau News
