Облыстық Полиция департаментінің мәліметінше, Балқаш аудандық полиция басқармасына аурухана фельдшерінен аудан орталығындағы пәтерлердің бірінде 31 жастағы полиция қызметкерінің өзіне қол жұмсағаны туралы ақпарат түскен. Аталған факті Қазақстан Қылмыстық кодексінің 105-бабының 1-бөлігі бойынша тіркелді.
«Қайтыс болған азаматтың отбасында жеке проблемалары болған. Ол да қылмыстық тергеу аясында тексеріледі. Қазіргі уақытта істі жан-жақты және объективті тергеп-тексеру үшін сараптамалар тағайындалып, барлық қажетті тергеу әрекеттері жүргізіліп жатыр», – деп хабарлады департаменттен.
Ведомстводан атап өткендей, тергеу барысын облыстық полиция департаменті басшылығы бақылауына алды.
Өзге ақпарат Қылмыстық кодектің 201-бабына сәйкес жария етілмейді.