18 сәуір – Халықаралық ескерткіштерді қорғау күніне орай, бүгін Қонаевта ұлы тұлғалардың есімі ұлықталып, гүл шоқтарын қою рәсімі мен “Киелі мекен” экологиялық акциясы өтті.
Әуелі жұрт Абай Құнанбайұлының ескерткіші маңына жиналды. Мұнда балалар арнау өлеңдер оқып, мәдениет басқармасының қызметкерлері мен ардагерлері бұл күннің маңызына тоқталды. Кейін жұртшылық Жамбыл Жабаев пен Дінмұхамед Қонаевтың ескерткіштеріне гүл шоқтарын қойып шықты.
Ал “Киелі мекен” акциясы аясында кітапхана ұжымы мен ардагерлер, жастар С.Сейфуллин мен А. Қойшыманов ескерткіштерінің маңын қоқыстан тазартты. Бұл тарихи орындарға да гүл шоқтары қойылды.
