Қонаев қаласында республикалық «Таза Қазақстан» экологиялық науқаны жалғасуда. Науқан аясында қаланы қоқыстан тазарту жұмыстары қарқынды жүріп жатыр.
ТҮКШ бөлімінің мәліметінше, апта сайын қаладан 600 тонна қатты қалдық шығарылады.
«Шомылу маусымының басталуына байланысты қалаға келіп жатқан туристер өте көп. Барлық күшті жағажайларды тазалауға жұмсап жатырмыз. Мысалы, қалалық №7 жағажайдың өзінде 59 қоқыс жәшігі орнатылған. Күніне 90 тонна қалдық шығарылады. Ал қаланың ішінен күнделікті 10-12 тонна қоқыс жиналады», – деді ТҮКШ бөлімі басшысының орынбасары Асхат Жексенбек.
Сондай-ақ парктер мен гүлзарлар да үнемі тазаланады. Өткен аптада бір күннің ішінде 12 шақырым арық тазартылды. Қосымша ағаштарды санитарлы кесу жұмыстары жүруде. Тазалыққа күнделікті 120 адам, 14 техника жұмылдырылады.
Қонаев қаласы әкімдігінің баспасөз қызметі
