Халықтық штабтың фронт-офисінде өткен отырыста партиялар мен қоғамдық бірлестіктердің өкілдері алдағы жұмыстарды талқылап, үгіт-насихат жұмыстарын жандандыру қажеттігін атап өтті.
Жиын барысында штаб мүшелері өңірде АЭС салудың маңыздылығын халық арасында кеңінен түсіндіру керектігін, елдегі энергетикалық қауіпсіздікті қамтамасыз ету үшін бұл жобаның стратегиялық рөлін жан-жақты насихаттау қажет екенін айтты. Алдағы кезеңде барлық аймақтарда тұрғындармен кездесу, үгіт-насихат материалдарын тарату және түсіндіру жұмыстарын күшейту жоспарланып отыр.
Қатысушылар халықпен тікелей байланыс орнату және әлеуметтік желілер арқылы ақпарат тарату жұмыстарын жетілдіру қажеттігін ерекше атап өтті. Әсіресе, жас ұрпаққа атом электр станциясының қауіпсіздігі мен оның экологиялық артықшылықтарын түсіндіру маңызды екені талқыланды.
Жиын соңында штабтың алдағы кезеңдегі жұмыс жоспары бекітіліп, барлық партиялар мен бірлестіктердің өкілдері өз жауапкершіліктерін айқындады.
Өңірлік Халықтық штабтың
баспасөз қызметі
