Жол сапасы қандай болуы тиіс?» Дәл осындай сұраққа жауап іздеген Логистика және көлік академиясының студенттері ЖАСҰО Алматы облыстық филиалына келді. Зертханамен егжей-тегжей танысқан студенттер өздеріне қажетті мағлұматтар алып, академия қабырғасында алған білімдерін шыңдады. Себебі оқулықтан көргенді қолмен ұстап сезіну мүлдем басқа екенін түсіндірген сарапшылар оларға жол-құрылыс материалдарын да көрсетті.
«Мәселен жол салуға ең қажетті инертті материалдар қиыршық тас, пгс, гпс, шгпс, құм жеке жеке таныстырылды. Бұл материалдардың беріктігі жол сапасына үлкен әсер етеді. Егер негіз берік болса асфальтбетон жамылғысында жолтабан (колея), жарықшақтардың шығуы сынды ақаулар болмайды» – деді сарапшы Берік Қамбаров.
Инженерлерден дәріс тыңдаған студенттер мықты маман болу үшін барын салуға тырысатындарын айтты.
