Алматы облысының жұмыспен қамтуды үйлестіру және әлеуметтік бағдарламалар басқармасы Еңбек мобильдігі орталығымен бірлесіп, халықты жұмыспен қамтуға жәрдемдесудің белсенді шараларын тиімді жүзеге асыруда.
Бүгінгі таңда облыс бойынша жалпы 59 мыңнан астам жұмыс орны ашылды.
2024 жылғы 25 желтоқсандағы жағдай бойынша, 47,7 мың азаматтың жұмыспен қамтылуына жәрдем көрсетілді.
35,9 мың адам жұмысқа орналастырылды, оның 24,1 мыңы тұрақты жұмысқа тұрды.
Субсидияланатын жұмыс орындарына 11,8 мың адам, оның ішінде:
– әлеуметтік жұмыс орындарына – 601 адам;
– жастар практикасына – 972 адам;
– қоғамдық жұмыстарға – 8162 адам;
– “Бірінші жұмыс орны” жобалары бойынша – 580 адам, “Ұрпақтар келісімшарты” жобалары бойынша – 40 адам, “Күміс жас” жобалары бойынша – 1444 адам.
Жұмыс берушілердің өтінімдері бойынша қысқа мерзімді оқытумен 624 жұмыссыз азамат қамтылды. Бүгінгі таңда 371 адам оқуды аяқтап, оның 315-і жұмысқа орналастырылды.
Skills Enbek кәсіптік оқыту платформасында еңбек нарығында сұранысқа ие дағдылар бойынша 3118 жұмыссыз азамат онлайн оқытылды.
Сондай-ақ, “Бастау Бизнес” жобасы бойынша 2953 адам кәсіпкерлік негіздерін оқыды.
Бұдан басқа, жаңа бизнес-бастамаларды іске асыру үшін осы жылдың басынан бастап халықтың әлеуметтік осал санаттарына 400 АЕК-ке дейінгі мөлшерде 260 грант берілді.
Бұл бағыттағы жұмыс жалғасуда.
