Бүгін оқушылар ұлттық бірыңғай тестілеуден өтіп жатыр. Бұл – сынақтың бірінші кезеңі.
Бұл туралы Ұлттық бірыңғай тестілеу орталығының әлеуметтік желідегі ресми парақшасында хабарланды.
Айта кетейік, ҰБТ-дағы пәндердің саны өзгеріссіз қалды, яғни үшеуі міндетті және екеуі таңдау бойынша. ҰБТ тапсырмаларының саны да биыл өзгерген жоқ, жалпы 120 сұрақ. Оның ішінде «Қазақстан тарихынан» 20 тапсырма, «Оқу сауаттылығынан» 10 тапсырма, «Математикалық сауаттылықтан» 10 тапсырма және екі бейіндік пән бойынша 40 тапсырма. Жоғары балл – 140.
Тестілеу уақыты – 4 сағат (240 минут). Бұл ретте ерекше білім беру қажеттіліктері бар балаларға қосымша 40 минут уақыт беріледі.
Еске сала кетейік, қаңтар айында өтетін ҰБТ-ға өтініш қабылдау 20 желтоқсанда басталған еді.
