Көрнекті ғалым, этнограф Болат Бопайұлы өмірден озды. Қайғылы хабарды журналист Біләл Қуаныш әлеуметтік желіде хабарлады.
Болат Бопайұлы 1960 жылы Қытай елінде Ертістің сағасындағы Көктоғайда туып өскен. Жоғары білім алған соң Шынжаң өлкесіндегі оқу-ағарту ісіне атсалысты. Алғашқы шығармалары сол жақта жарық көрді. Атамекенге оралған соң этнография саласымен түбегейлі айналысты. Оның соңында қазақ этнографиясына байланысты “Қазақ мінезі”, “Қазақ кәдесі”, “Қазақы түс жору”, “Бастаудан бақиға дейін”, “Қазақтың гүл мәдениеті”, “Қазақ наурызнамасы”, “Қазақ аспан есебі” сияқты оннан астам кітаптары қалды.
