Қонаев қаласында облыс Үкіметтік емес ұйымдарды қолдау маңызды әкімдігі жанындағы үкіметтік емес ұйымдармен өзара іс-қимыл және ынтымақтастық жөніндегі кеңестің отырысы өтті. Жиынды облыстық ішкі саясат басқармасының басшысы, кеңес төрағасының орынбасары Ерік Абитов жүргізіп отырды.
Басқосуға басқарма басшылары, Балқаш, Еңбекшіқазақ, Жамбыл, Іле, Қарасай, Кеген, Райымбек, Талғар, Ұйғыр аудандары мен Қонаев және Алатау қалалары әкімдерінің
орынбасарлары, қоғамдық ұйым өкілдері қатысты.
Кеңестің биылғы жылға арналған жұмыс жоспарына сәйкес, ҮЕҰ дерекқорына мәліметтерді уақытылы ұсыну турасында білім басқармасының басшысы Салтанат Беспаева, жұмыспен қамтуды үйлестіру және әлеуметтік бағдарламалар басқармасының басшысы Айгүл Ахметова, дін істері басқармасының басшысы Ерғали Көшеке, денсаулық сақтау басқармасы басшысының міндетін атқарушы Лейлә Серікбаева, Жастар саясаты мәселелері жөніндегі
басқарма басшысы Мәди Ахметов есеп берді. Ал негізгі баяндаманы облыстық ішкі саясат басқармасының басшысы Ерік Абитов оқыды.
Басқарма басшысы өз сөзінде: «Мемлекет қаражаты есебінен қамтамасыз етілетін, салалық және өңірлік деңгейлердегі әлеуметтік міндеттерді шешуге бағытталған бағдарламалар мен жобаларды іске асырудың нысаны – мемлекеттік тапсырыс. Алматы облысында мемлекеттік әлеуметтік тапсырыстарды 6 облыстық басқарма: ішкі саясат, дін істері, білім, денсаулық
сақтау, жұмыспен қамтуды үйлестіру және әлеуметтік бағдарламалар, жастар саясаты мәселелері жөніндегі басқармалар мен 9 аудандық және 2 қалалық ішкі саясат бөлімдері жүзеге асыруда.
Өңірдегі ҮЕҰ қызметінің негізгі бағыттары – халықтың әлеуметтік осал топтарын, жастар саясаты мен балалар бастамаларын қолдау, азаматтар мен ұйымдардың құқықтарын, заңды
мүдделерін қорғау, гендерлік саясат, қоғамдық келісім мен жалпыұлттық бірлікті нығайту.
Өткен жылы мемлекеттік әлеуметтік тапсырыс аясында облыс бойынша 952,2 млн теңгеге жоспарланған 75 жоба, соның ішінде ішкі саясатбасқармасы тарапынан 53,5 млн теңгенің 6 жобасы іске асырылды.
Облыстық ішкі саясат басқармасы 2025 жылға арналған мемлекеттік әлеуметтік тапсырыс жобаларыныңтақырыптарын басқарманың ресми сайтында жариялап, 15-28 қаңтар
аралығында үкіметтік емес ұйымдар мен азаматтардың ұсыныстарын қабылдады. Нәтижесінде «Сыбайлас жемқорлыққа қарсы мәдениетті қалыптастыру бағытында», «Азаматтық қоғамды дамытуға, оның ішінде үкіметтік емес ұйымдар қызметініңтиімділігін арттыруға жәрдемдесу
бойынша», «Қоғамдық келісімді және жалпыұлттық бірлікті нығайту бағытында» және «Отбасылықдемографиялық және гендерлік мәселелер бағытында» 4 жоба ұсынылып, қабылданды», – деді.
Ерік Әзілжанұлы баяндамасын қорытындылай келе, аталған істің тиісті деңгейде жүзеге асырылуы үшін «Мемлекеттік әлеуметтік тапсырысты, оның іске асырылу мониторингі және
нәтижелерін бағалау» қағидаларында көрсетілген ережеге сәйкес жұмыс жасау қажеттігін еске салды.
