Ұлы Отан соғысы Жеңісінің 80 жылдық мерекесі күніне орай Алматы облыстық мәслихатының ұйымдастыруымен ерекше тағзым шарасы өтті. Мереке аясында облыстық мәслихаттың 38 депутаты Жамбыл, Іле, Ұйғыр аудандарында тұратын үш ардагер – Федор Ковалев, Тәңірберген Толғанбаев және Алым Кибировтың үйлеріне арнайы барып, құрмет көрсетті.
Ардагерлерге шынайы алғыс пен ыстық ықылас ретінде шапан мен комзол кигізіліп, гүл шоқтары мен азық-түлік себеттері, 200 мың теңге көлемінде ақшалай сыйлық және Алғыс хат табысталды.
| Толғанбаев Тәңірберген 1923 жыл 1 мамыр Алматы облысы, Ақсу ауданында дүниеге келген. Киров атындағы Мемлекеттік қазақ университетінде оқып, заңгер мамандығын бітірген. Ұлы Отан соғыс ардагері. 1942 ж. Отан алдындағы азаматтық борышын өтеуге әскерге барған. Арменияның Ленинакан қаласындағы 3 айлық дайындық курстан өтіп, Армения республикасы №40 заставада шекара қызметінде еңбек еткен. Сталинград азат етілгеннен кейін теміржол бойындағы «Армавир №25» заставаға ауысып, 1949 жылы туған жерге келген соң бейбіт еңбекке араласып, Ақсу ауданындағы халық сотында секретарь қызметін атқарды. 1969 жылы Киров С.М. атындағы Қазақ мемлекеттік университетінде заңгер мамандығын бітірді. 1951 жылы аудандық ішкі істер бөлімінде жемісті еңбек атқарып, 1964 жылы Алматы облысы, Жамбыл ауданы ішкі істер бөлімінің бастығы болып қызмет атқарды. 1975 жылы зейнеткерлікке шықты. 1975-77жж.аралығында Іле ауданында көмекші прокурор, бас прокурор ретінде жауапты қызметтерді үлкен абыроймен атқарған. |
| Кибиров Алым Ұйғыр ауданы Кіші-Ақсу ауылында 1924 жылы 1-қаңтар күні дүниеге келген.
1942 жылы 23-ақпанда Жәркент военкаматынан армияға алынып соғысқа кетті. 1942-1943 жылдары Беларусь майданында соғысқа қатысып: 1. Белгород- қаласын азат етіп, жараланып госпитальда жатып, военный комиссиядан екінші рет соғысқа қайта барды. 2. 1943-1944 жылдар арасында Украина майданында соғысқа қатысып, бірнеше қалаларды азат еткеннен кейін, Львов қаласын азат ету соғысында ауыр жарақат алып, 1944 жылы наурыз айында өзі туылған жеріне қайтып келді. Соғыс жылдары «Ұлы Отан Соғысының І-дәрежелі ордені» мен «Украинаның Львов қаласын азат еткені үшін» медалімен және де басқа көптеген мерейтойлық медальдармен марапатталды. |
Соғыстан кейін 1945 жылдан 1990 жылға дейін әр түрлі жұмыстар атқарды.
