1998 жылы Абайдың «Көзімнің қарасы» әні ғарышта орындалып, күллі әлемді көкке қаратты. Басты жетістік – қазақы саздың жеті қат аспан астында қалықтауы еді.
Қазақтың екінші ғарышкері Талғат Мұсабаев бұл жолы тағы да космосқа аттанған. «Мир» стансасы құрамында ұзақ мерзімді сапарда болды. Оның мазмұны мен оқиғасы бөлек әңгіме.
Талғат Мұсабаев Отанға, елге деген сүйіспеншілігін өзінің жүрекжарды шешімімен де паш етті. Ғарыштық бағдарламадан тыс қазақы байламға батыл бет бұрды. Сол күні «Хабар» агенттігі мен «Қазтелеком» компаниясы ғарышкермен тілдесуді қамтамасыз етті. Жұлдыз бен жерді телекөпір арқылы жалғастырды. «Медеу» мұз айдынындағы «Азия дауысы» халықаралық фестиваліне келгендер ғажап көрініске таңғалды. Ғарыш құшағында – Талғат Мұсабаев, Алатау аясында – Нұрлан Өнербаев, олар қос дауыспен Абайдың әнін тебірене орындады. Сөйтіп сол бір сәт тарихқа ерекшелігімен енді.
Еліміз биылғы Абай күнін атауды бастап кеткенде, әйгілі ұшқыш-ғарышкер, Халық қаһарманы Талғат Мұсабаевтың рухы көкке көтеріліп, Абай атасының қасынан мәңгілік мекен тапқандай қалың елді толқытты.
Өз тілшіміз
