«AMANAT» партиясы Іле аудандық филиалының мәжіліс залында арнайы кестеге сәйкес Алматы облыстық мәслихат депутаты Асылов Абай Ноғайұлы азаматтарды жеке мәселелері бойынша қабылдады.
Атап айтқанда: Өтеген батыр ауылдық округіне қарасты «Тростинка», «Энергетический», «Урожай» саяжай кооперативтеріне ауыл мәртебесін беру және саяжайға трансформатор орнату, жеке счет ашу және басқа да жеке өтініштер қаралды. Қабылдау барысында бірқатар мәселелер сол жерде шешімін тапты. Сонымен қатар екі отбасыға азық-түлікпен, және мектепке балаларын киіндіру үшін қаржылай көмек көрсетті. Қабылдауға келген мүмкндігі шектеулі азаматтың еміне де қаржылай көмек берілді.
