Президент Қасым-Жомарт Тоқаевтың 2025 жылды «Жұмысшы мамандықтар жылы» деп жариялауы – стратегиялық маңызды әрі әлеуметтік мәні зор шешім. Бұл ел басшылығының экономиканың тұрақты дамуы жұмысшы мамандықтарын қолдау мен нығайтусыз мүмкін емес екенін терең түсінетінін көрсетеді.
Бүгінде құрылысшылар, дәнекерлеушілер, механиктер, электриктер және басқа да жұмысшы мамандықтары инфрақұрылым құруда және негізгі салалардың жұмыс істеуін қамтамасыз етуде басты рөл атқарады. Алайда, соңғы онжылдықта бұл мамандықтардың беделі төмендеді. Мұндай бастама еңбекке деген құрметті қалпына келтіріп қана қоймай, жастарды осы маңызды салаларға тартуға ықпал етеді.
Сонымен қатар, бұл шешім кәсіби-техникалық білім беруді жаңғырту перспективаларын ашады. Бұл қазіргі еңбек нарығының талаптарына сай білікті мамандарды дайындауға және экономиканың маңызды секторларындағы кадр тапшылығын азайтуға мүмкіндік береді.
Тоқаевтың бастамасы – еңбек адамына көрсетілген қолдау ғана емес, сонымен бірге елдегі әлеуметтік тұрақтылық пен экономиканы нығайтуға қосылған үлес. Бұл Қазақстан үшін ұзақ мерзімді нәтижелер әкелетін дұрыс қадам екені сөзсіз.
Менің ойымша, бүгінгі Жолдауда айтылған екі бағыт – технологиялық серпіліс пен саяси реформалар – еліміздің жаңа дәуірге қадам басуына негіз болады.
Болашаққа сеніммен қарауымыз үшін осындай батыл қадамдар ауадай қажет. Енді оны жүзеге асыру – баршамыздың ортақ міндетіміз.
Асылов Абай Ноғайлы,
Алматы облыстық мәслихатының депутаты
