1976 жылы туған А. Х. есімді науқас шұғыл жағдайда Іле аудандық орталық ауруханасына өте ауыр халде жеткізілген. Науқасқа жедел гангренозды-перфоративті аппендицит, диффузды іріңді-нәжісті перитонит, абдоминалды сепсис, ауыр интоксикация диагноздары қойылды.
Ауру күрт өршіп, науқастың өміріне қауіп төндірді. Дәрігерлер тарапынан ота жасау туралы шешім қабылданды. Науқасқа ортаңғы лапаротомия, аппендэктомия, сондай-ақ іш қуысына санация және дренаж орнату операциялары жасалды.
Дәрігерлердің, анестезиологтардың, реаниматологтардың және орта буын медицина қызметкерлерінің үйлесімді жұмысының арқасында науқастың жағдайы тұрақтандырылды. Отадан кейінгі келесі күні-ақ пациент арнайы жүріс құралдарының көмегімен қозғала бастады.
Келесі күндері науқас қабыну процесін тоқтатып, ағзаның қызметін қалпына келтіруге бағытталған қарқынды ем жүргізілді. Тиісті емдеу курсынан кейін науқас денсаулығы жақсарып, ауруханадан шығарылды.
Маңыздысы – көрсетілген барлық медициналық көмек Міндетті әлеуметтік медициналық сақтандыру (МӘМС) аясында тегін көрсетілді. Бұл науқасқа ешқандай қаржылық шығынсыз, уақытылы және сапалы медициналық көмек алуға мүмкіндік берді.
Бұл жағдай МӘМС жүйесінің тиімділігін және Іле орталық аудандық ауруханасының жоғары білікті медициналық қызметкерлерінің кез келген күрделі жағдайда өмірді сақтап қалуға дайын екенін тағы да дәлелдеді.
