Қонаев қаласы әкімдігінің мемлекеттік активтер және сатып алу бөлімінің мамандары сауда айналымына заңсыз түскен тауарларды жойды. Бұл тауарды Іле ауданаралық сот актілерін орындау жөніндегі аумақтық бөлімінің мемлекеттік сот орындаушылары тәркілеп, шара қолдану үшін әкімдікке жіберген.
Тауарлар қатарында акцизделмеген 4 тоннадан астам алкогольдік өнімдер, бір тоннадан астам Қытайда өндірілген белсенді биологиялық қоспалар, акцизделмеген 80 қорап темекі өнімдері бар. Мүлікті жою кезінде барлық комиссия мүшелері – санитарлық-эпидемологиялық бақылау басқармасы, мемлекеттік кірістер басқармасы, кәсіпкерлік бөлімі, депутаттар, қоғамдық ұйым өкілдері болды. Тауарлар қоқыс полигонына жеткізіліп, ауыр техникамен жарамсыз етілді.
Ақерке Жұмағазықызы
Қонаев қаласы