Алматы облысы бойынша Сауда және тұтынушылардың құқықтарын қорғау департаментіне жиһаз өніміне қатысты тұтынушыдан шағым түсті. Өтініш қолданыстағы заңнама талаптарына сәйкес жан-жақты қаралды.
Қарау барысында тұтынушы сатып алған жиһаздың сапасына байланысты туындаған мәселе анықталып, тараптар арасында тиісті түсіндіру және келіссөз жұмыстары жүргізілді. Нәтижесінде сатушы тарапынан тұтынушының заңды талаптары толық көлемде қанағаттандырылды.
Осылайша, жиһаз өнімі үшін төленген 646 000 (алты жүз қырық алты мың) теңге көлеміндегі қаражат тұтынушыға толықтай қайтарылды. Аталған шешім Қазақстан Республикасының «Тұтынушылардың құқықтарын қорғау туралы» Заңына сәйкес қабылданды.
Бұл жағдай тұтынушылардың құқықтарын қорғау, әділ сауда қағидаттарын сақтау және азаматтардың заңды мүдделерін қамтамасыз ету бағытында атқарылып жатқан жұмыстардың нәтижелілігін көрсетеді. Алматы облысы бойынша Сауда және тұтынушылардың құқықтарын қорғау департаменті алдағы уақытта да тұрғындардан келіп түскен өтініштер мен шағымдарды заң аясында қарап, әрбір мәселе бойынша тиісті шаралар қабылдайтын болады.
