Президент Қасым-Жомарт Тоқаевтың қоғамда кітап пен газет оқуға деген қызығушылықты арттыру қажеттігі жөніндегі пікірі – бүгінгі күннің өзекті мәселесін дөп басқан ой. Газет оқу – тек ақпарат алу емес, ол азаматтың ойлау қабілетін, талдау мәдениетін қалыптастыратын маңызды құрал. Қоғамның жалпы сауаты мен саяси санасы ең алдымен жүйелі оқудан басталады. Өкінішке қарай, қазіргі ақпарат тасқыны кезінде үстірт мәліметке әуестік күшейіп барады, ал бұл терең ойлауға кедергі келтіреді. Президенттің баспасөзге, әсіресе, ұлттық газеттерге ерекше мән беруі – саналы қоғам қалыптастыруға бағытталған стратегиялық қадам. Газет оқитын ұрпақ – елдің ертеңіне бейжай қарамайтын, жауапкершілігі жоғары азаматтар. Сондықтан баспасөзді қолдау – мәдениет пен білімді қолдаумен тең. Сауатты қоғам ғана мемлекет дамуының берік негізі бола алады.
Совет Смадылов,
Көктөбе ауылдық округі Ақсақалдар алқасының төрағасы
