Қазақстан Президенті Қасым-Жомарт Тоқаев «Түркістан» газетіне берген «Қазақстан жаңғырудың жаңа кезеңіне қадам басты» атты сұхбатында еліміздің ішкі, сыртқы саясаты мен әлеуметтік мәселелердегі оңды өзгерістерге өз тарпынан лайықты баға беріпті. Соның ішінде бүгінгі таңдағы қорғаныс саласындағы орын алып, халықтың алаңдаушылығын тудырып отырған керағар құбылысқа қатысты пікірі еліміздің барша тұрғындарының көңіліне қонғаны ақиқат.
“Мен әскери борышын өтеуге шақырылған сарбаздардың жарақат алуы мен қаза болуына қатысты оқиғаларды өркениетті елге жат, теріс үрдіс деп санаймын. Армия жастарға қолдау көрсетіп, еліміздің нағыз азаматы ретінде тәрбиелеп шығаруы керек. Әскерде әлімжеттікке, бұзақылыққа, жершілдікке орын жоқ. Ондай жайттарға жол берілмейді. Шын мәнінде сарбаз болу – өзіңді дамыту үшін тың мүмкіндіктерге ие болу деген сөз. Армияда темірдей тәртіп болуға тиіс. Әскери міндеттің абырой беделін көтеру және еліміздің қорғаныс қабылетін арттыру – мелекеттің басты басымдықтарының бірі” – деген сөзі жастарға да, қорғаныс саласындағы басқару қызметіне де оң ықпалын тигізеді деп ойлаймын. Рас, әскери борышын өтеуден қашатын жастардың бойынан Отанға, туған жер мен елге деген сүйіспеншілік, жауынгерлік рух айрықша сезіліп тұруы қажет қой. Елдігіміздің қаз-қалпында сақталуы, іргесінің берік болуы жастар бойындағы қалыптасқан жауынгерлік рухтың айқын көрінісі десем артық айтқандық емес. Мемлекет басшысының газетке берген сұхбатындағы мәселе еліміздің барша тұрғындарына, әсіресе, жастарға күш-қуат, беріп, Отан алдындағы азаматтық борышын абыроймен орындауы жолындағы жігерлеріне жігер қосатынына сенім білдіремін.
Бекболат БІРБАЕВ,
Райымбек аудандық Ардагерлер
кеңесінің төрағасы.
