Конституциялық реформалар жөніндегі комиссияның белсенді жұмыс істеп жатқанын бұқаралық ақпарат құралдарынан, әлеуметтік желіден көріп-біліп отырмыз. Комиссияның алтыншы отырысында жаңа Ата Заңның бірінші жобасы қаралды. Оны дайындау кезінде соңғы 6 айда келіп түскен азаматтардың, қоғамдық ұйымдар, саяси партиялар мен сарапшылардың ұсыныстары, сондай-ақ Комиссия мүшелерінің пікірлері, ескертулері мен ұсынымдары ескерілгені айтылды.
Жаңа Конституция кіріспеден, 11 бөлімнен және 95 баптан тұрады екен. Конституцияның Преамбуласында еліміздің өткенін дәріптейтін, бүгіні мен болашағына бағдар болатын жалпыұлттық құндылықтар көрініс тапқанын толық қолдаймын. Ата Заңда адами капиталды, білім беруді, ғылым мен инновацияны дамыту мемлекет қызметінің стратегиялық бағыты ретінде танылады. Бұл жаңашылдықтар жан-жақты талқыланып, баршаның қолдауына ие болады деп ойлаймын.
Қарлығаш Алқожақызы,
С.Оспанов атындағы орта мектептің басшысы,
Жамбыл ауданы
