Биыл «Жол активтері сапасының ұлттық орталығы» республикалық мемлекеттік кәсіпорны филиалдарының өкілдері қатысқан brainstorming-сессия өтті. Іс-шараның бірінші күні жол активтері сапасын бақылау жүйесін жетілдіру, салада бірыңғай тәсіл қалыптастыру мәселелеріне арналса, екінші күні қызметкерлерге жапондық Kaizen философиясы мен 5S жүйесі аясында түсіндірме жұмыстары жүргізілді. Сессияға Алматы облыстық филиалынан бөлім басшысы Қанат Хамитжанов пен қатысты.
«Бұл жыл сайын өтеді. Іс-шағара республикалық бөлім басшылары және зертхана меңгерушілері қатысып отырады. Талқыланатын мәселе қолданыстағы нормативтерге өзгерістер енгізу, жсапаның жақсаруына жұмыс істеу. Екіншіден облыстар арасындағы қарым-қатынасты жақсарту, тәжірибе алмасу алаңы. Берер мүмкіндігі жақсы жиын деуге болады» – деді «ЖАСҰО» РМК Алматы облыстық филиалының бөлім басшысы Қанат Хамитжанов.
Отырыста «Жол активтері сапасының ұлттық орталығы» РМК Ведомстволық сараптама бөлімінің бас маманы Камила Бекенова қолданыстағы сараптама рәсімдерін, олардың сапаны бақылаудағы рөлін және оны жетілдіру жолдарын баяндады. Одан кейін техникалық саясат бөлімінің бас маманы Индира Усенова Kaizen қағидаттарының өндірістік және зертханалық қызметтегі маңызын, жұмыс орындарын ұйымдастыру және ресурстарды тиімді пайдалану мәселелерін түсіндірді. Сессия қорытындысында филиалдардың жұмыс тиімділігін арттыру, қызмет сапасын жақсарту және бөлімдер арасындағы өзара әрекетті нығайтуға арналған нақты ұсыныстар қабылданды.
