«Әділетті және Прогрессивті Қазақстанның Халықтық Конституциясы үшін!» коалициясының өкілдері Балтабай ауылындағы Балтабай орта мектебі ұжымымен кездесу өткізді.
Кездесу барысында жаңа Конституция жобасының саяси жүйені жаңғыртуға бағытталған негізгі нормалары түсіндірілді. Атап айтқанда, болашақ Құрылтай депутаттары пропорционалды сайлау жүйесі арқылы қалыптастырылатыны және заң шығару билігі толықтай сайланған өкілдерге тиесілі болатыны айтылды.
«Пропорционалды жүйе – қоғамның саяси құрылымын дәл көрсететін модель. Партиялар халық қанша дауыс берсе, сонша мандат алады. Бұл – сайлау нәтижесінің әділдігі мен саяси жауапкершіліктің айқындығын қамтамасыз ететін жүйе», – деді коалиция мүшесі Абитов Ерик.
Кездесу барысында ұстаздар өздерін толғандырған сұрақтарын қойып, жан-жақты жауап алды. Ашық диалог форматында өткен жиында білім саласына қатысты ұсыныстар мен пікірлер де айтылды.
Мұндай кездесулер қоғаммен кері байланысты нығайтып, реформалардың мәнін кеңінен түсіндіруге мүмкіндік береді.
Өңірлік коалицияның баспасөз қызметі
