Қазіргі кезеңде мемлекеттердің бәсекеге қабілеттілігі ең алдымен адам капиталының сапасына байланысты. Осы тұрғыда жаңа Конституцияда білім, ғылым және инновацияларды дамыту стратегиялық басымдық ретінде бекітілуі – еліміздің болашақ дамуына бағытталған маңызды құқықтық негіз.
Құжатта азаматтардың тең мүмкіндіктері, әлеуметтік әділеттілік және әл-ауқатты арттыру мәселелері айқындалған. Бұл әлеуметтік саясаттың жүйелілігін қамтамасыз етіп, адами әлеуетті толық іске асыруға жағдай жасайды. Сонымен қатар құқықтық нормалардың айқындығы мен заң үстемдігі қағидаттарының күшеюі құқық қолдану тәжірибесінің тиімділігін арттыруға ықпал етеді. Бұл қоғамдағы құқықтық мәдениетті қалыптастырып, азаматтардың мемлекетке деген сенімін нығайтады.
Жалпы алғанда, жаңа Конституция адам капиталына негізделген даму моделін құқықтық деңгейде бекітіп, Қазақстанның ұзақ мерзімді орнықты дамуына негіз қалайды.
Аркенжан ДЖУМАЕВ,
«Қазақстандық ұйғырлардың республикалық этномәдени орталығы» қоғамдық бірлестігінің Алматы облысындағы филиалының төрағасы
