Табан-Қарағайдың таза ауасы мен асқар тауларын көруге келетін демалушылар саны жыл сайын артып келеді. Өкінішке қарай, осы ағынмен бірге өрт қаупі де күшейе түседі.
Мамандардың айтуынша, орман өртінің 90 пайызы адамның салғырттығынан болады. Сөнбей қалған бір тал сіріңке немесе тасталған шыны сынығы ғасырлар бойы қалыптасқан экожүйені бір сәтте күлге айналдыруы мүмкін.
Орман – біздің байлығымыз ғана емес, келер ұрпаққа қалдыратын аманатымыз. Сондықтан табиғат аясына шыққан әрбір азаматтан қауіпсіздік шараларына барынша жауапкершілікпен қарауды сұраймыз.
Табиғатты қорғау – Отанды қорғау екенін ұмытпайық!
Бағдат Ермекбай,
«Шелек орман шаруашылығы» КММ
Табан-Қарағай орманшылығының өрт сөндірушісі
Еңбекшіқазақ ауданы
