Есірткі айналымының алдын алу тек құқық қорғау органдарының жұмысы емес. Бұл мәселеде ата-ана, мектеп, қоғамдық ұйымдар және тұрғындар бірлесіп әрекет етуі қажет. Жастарға есірткінің денсаулыққа және болашаққа тигізетін зияны түсіндірілуі керек. Құқықтық жауапкершілік туралы ақпарат та назардан тыс қалмағаны жөн. Әр азамат күмәнді әрекеттерге бейжай қарамай, заң аясында тиісті органдарға хабарлай алады. Баланың бос уақытын тиімді ұйымдастыру профилактиканың маңызды бөлігі саналады. Қоғамда есірткіге төзбеушілік мәдениетін қалыптастыру қажет. Бірлескен жұмыс арқылы қауіптің алдын алуға болады.
Алтынай СЕЙІТКЕН