Қоршаған ортаның тазалығы – халықтың өмір сүру сапасына тікелей әсер ететін маңызды мәселе. «Таза Қазақстан» бастамасы табиғатты қорғауға және экологиялық мәдениетті қалыптастыруға қоғамның назарын аударып келеді. Табиғи аумақтарды қоқыстан тазарту, ағаштарды күтіп-баптау және көгалдандыру жұмыстары қоршаған ортаның жай-күйін жақсартуға бағытталған. Мұндай шараларға жастардың белсенді қатысуы экологиялық жауапкершіліктің қалыптасып келе жатқанын көрсетеді. Әр отырғызылған көшет пен тазартылған аумақ – туған жерге деген қамқорлықтың белгісі. Табиғатты қорғау тек мамандардың немесе мемлекеттік органдардың міндеті емес, ол баршаға ортақ жауапкершілік. Сондықтан қоршаған ортаға ұқыпты қарау әдетін күнделікті өмір салтына айналдыру маңызды. Табиғатты бүгін қорғасақ, оның игілігін болашақ ұрпақ та көре алады.
Ерзат АСЫЛ