Жол қозғалысы ережесін сақтау әрбір жүргізуші мен жаяу жүргіншінің міндеті. Жылдамдықты шамадан тыс арттыру, қарсы бағытқа шығу және көлік басқару кезінде алаңдау жолдағы қауіптің артуына себеп болуы мүмкін. Жүргізуші жол жағдайын ескеріп, белгіленген жылдамдық режимін сақтауы қажет. Жаяу жүргіншілер де жолды арнайы өткелдерден кесіп өткені жөн. Балалардың жол қауіпсіздігіне ата-аналар ерекше көңіл бөлуі керек. Жолдағы тәртіпті сақтау тек айыппұлдан қорқу емес, адам өміріне деген жауапкершілік болуы тиіс. «Заң мен тәртіп» жол мәдениетін қалыптастырудан да көрінеді.
