«Таза Қазақстан» бастамасы қоғамда қоршаған ортаға жауапкершілікпен қарау мәдениетін қалыптастыруға ықпал етуде. Іле ауданында тазалық шараларына тұрғындармен қатар жастар мен еңбек ұжымдары да белсенді қатысып келеді. Балқаш ауданында табиғатты қорғау, көгалдандыру және елді мекендерді абаттандыру бағытындағы жұмыстар жүргізілуде. Кеген ауданында табиғи ландшафтарды сақтап, көрікті аймақтарды таза ұстауға баса назар аударылады. Әсіресе табиғаты ерекше өңірлерде әрбір азаматтың ұқыптылығы маңызды. Қоқысты бейберекет тастамау, жасыл желекті қорғау және қоғамдық орындарды таза ұстау – қарапайым, бірақ маңызды талаптар. Осындай әдеттерді қалыптастыру арқылы өскелең ұрпаққа жақсы үлгі көрсетуге болады. Экологиялық мәдениеті жоғары қоғам ғана табиғи байлығын болашаққа аман жеткізе алады.
Ерзат АСЫЛ