Кей жүргізушілер көлігін қысқа уақытқа қалдырғанда сөмкесін, ноутбугін немесе басқа бағалы заттарын орындық үстінде қалдырады. Алайда сырттан анық көрінетін мүлік ұрлық жасауға ниетті адамның назарын аударуы мүмкін.
Мұндай жағдайдың алдын алу үшін бағалы заттарды көлікте қараусыз қалдырмаған жөн. Көліктен шыққанда есік-терезелердің жабылғанын тексеріп, мүмкіндігінше жарық әрі қауіпсіз орынға қою қажет. Қоғамдық орындарда көлік кілтін де бөгде адамдарға бермеу маңызды.
Егер көліктен зат жоғалса немесе ұрлық белгілері байқалса, оқиға орнындағы жағдайды өзгертпей, полицияға хабарлаған дұрыс. Алдын алу шаралары әрдайым ұрлықтың салдарын жоюдан жеңілірек.
Мүлікті қорғау қымбат күзет жүйесінен ғана тұрмайды. Кейде қарапайым сақтықтың өзі үлкен шығыннан сақтайды.
АЙЖАРЫҚ КӨПТІЛЕУОВ