Қоршаған ортаны қорғау және туған жерді таза ұстау – әрбір саналы азаматтың қасиетті борышы. Соңғы жылдары елімізде басталған «Таза Қазақстан» экологиялық акциясы жай ғана бірраптық науқан емес, бүкіл халықтық қозғалысқа айналды. Бұл бастама қоғамның экологиялық мәдениетін көтеріп қана қоймай, отандастарымызды бірлікке, туған жерге деген жанашырлыққа шақырады.
Тазалық – өзіміз тұрған ортадан, аула мен көшеден басталады. Өкінішке қарай, кейде табиғат-анаға немқұрайлы қарап, қоқысты бей-берекет тастайтын жағдайлар кездесіп жатады. «Таза Қазақстан» акциясы осындай келеңсіз әдеттерге қарсы тұрып, табиғатты аялауды күнделікті әдетке айналдыруға үндейді. Әсіресе, бұл іске жастар мен еріктілердің белсене қатысуы көңіл қуантады. Олардың үлгісімен өскелең ұрпақтың бойына экологиялық сана сіңіріліп жатыр.
Экологиялық таза орта – бұл әрқайсымыздың денсаулығымыз бен жарқын болашағымыздың кепілі. Табиғатты қорғау үшін үлкен істер жасау міндетті емес, ең бастысы – артымыздан қоқыс қалдырмау, көшет отырғызу, айналаны таза ұстау және табиғат ресурстарын үнемдеу.
Әрбір тұрғын «Бұл жер – менің туған үйім» деген ортақ жауапкершілікті сезінсе ғана еліміздің келбеті арта түседі. Қазақстанды таза, жасыл әрі көркейген мекенге айналдыру – өз қолымызда!
ТОҒЖАН ЖОЛДЫҒАЛИ