Құқықтық мәдениет тек заң талаптарын білумен шектелмейді. Ол – өз әрекетіне жауапкершілікпен қарап, басқа адамның құқығы мен бостандығын құрметтеу. Әсіресе жас ұрпақтың құқықтық сауатын арттыру маңызды. Мектептер мен колледждерде құқықтық сабақтар, пікірталастар, кездесулер және түсіндіру жұмыстары өткізіліп келеді. Мұндай шаралар жастарға заң талаптарын күнделікті өмірде сақтаудың маңызын түсіндіруге бағытталған.
Қоғамда заңға құрмет қалыптасқан кезде құқықбұзушылықтың алдын алуға мүмкіндік артады. Сондықтан заң мен тәртіпті сақтау – тек құқық қорғау органдарының емес, әр азаматтың ортақ міндеті.
Құралбек СӘБИТОВ