Жасөспірімдер мен жастар арасында есірткінің алдын алу жұмыстары ерекше назарды қажет етеді. Себебі ақпараттың көп бөлігі интернет арқылы тарайтын қазіргі кезеңде жастар түрлі қауіпті ұсыныстарға тап болуы мүмкін. Сондықтан ата-ана баласының ортасы мен қызығушылығына немқұрайлы қарамауы керек. Мектептер мен колледждерде есірткінің зияны туралы ашық әрі түсінікті ақпараттық кездесулер ұйымдастырған жөн. Спорттық үйірмелер мен шығармашылық бағыттарды дамыту да жастарды теріс әдеттерден алыстатуға көмектеседі. Есірткі қолдану адамның денсаулығына, оқуына, жұмысына және болашағына кері әсер етеді. Салауатты таңдау жасау – әр жастың өз қолында.
Тоғжан ЖОЛДЫҒАЛИ