Тұрғындардың өмір сүру сапасы қоршаған ортаның тазалығымен тығыз байланысты. Сондықтан аулаларды абаттандыру, балалар ойын алаңдарын ретке келтіру және қоғамдық орындарды таза ұстау маңызды. «Таза Қазақстан» акциясы аясында ұйымдастырылатын сенбіліктер осы бағыттағы жұмыстардың жандануына ықпал етеді. Ортақ іске жұмылған тұрғындар өздері тұратын аумақтың көркеюіне үлес қосады. Таза әрі жинақы аула – тұрғындардың ұйымшылдығы мен туған жерге деген құрметінің көрінісі.
Құралбек СӘБИТОВ