Әр көлік жүргізуші жүргізуші куәлігін жоғалтып алса, қолданылу мерзімі аяқталса немесе тегін өзгертсе оны қайтадан қалпына келтіру қажет болады. Мұны қалай жасауға болатынын “Азаматтарға арналған үкімет “МК” КЕАҚ Алматы облысы бойынша филиалында толығырақ айтып берді.
Жүргізу құқығын қалпына келтіру үшін қызмет алушы мамандандырылған халыққа қызмет көрсету орталығына жүгіну қажет. Жеке басын куәландыратын құжат және мемлекеттік баждың төленгені туралы чек болуы қажет. Егер жүргізуші куәлігінің мерзімі өтіп кетсе, медициналық анықтама қажет болады.
Сондай-ақ, жүргізуші куәлігін қайта шығару кезінде теориялық және практикалық емтихандарды қайта тапсыру талап етілмейді.
Айта кетейік, мемлекеттік қызмет көрсету мерзімі құжаттарды тапсырған сәттен бастап 2 сағаттан аспайды.
2024 жылдың 5 айында Алматы облысында 10746 жүргізуші куәлігі берілген.
