Биыл еліміз Қазақстанның Халық жазушысы, көрнекті қаламгер Әбдіжәміл Нұрпейісовтің 100 жылдық мерейтойын атап өтуде. Осыған орай Ш.Айманов атындағы «Қазақфильм» киностудиясы жазушының белгілі романымен аттас «Соңғы парыз» деректі фильмін түсіруге кірісті. Қазіргі кезде режиссер, сценарист Асқар-Мұхит Нарымбетов пен режиссер, қоюшы-оператор Асқарбек Махмұтов бастаған шығармашылық топ қауырт жұмыс үстінде. Негізгі түсірілім қаламгердің туған жері Қызылорда облысы Арал қаласында қолға алынған.
Фильмнің редакторы – Болат Жетекбай, басты рөлді сомдаушы белгілі мультипликатор – Қайырғали Қасымов, продюсері – Жангелді Молдахметов. Фильмге белгілі жазушылар, қоғам қайраткерлері және жазушының қызы Шұға Нұрпейісова қатысады. Киножоба Қазақстан Республикасы Мәдениет және ақпарат министрлігінің тапсырысы бойынша «Ұлттық киноны қолдау мемлекеттік орталығы» КЕАҚ қолдауымен түсірілуде. Деректі фильм қазан айында жарыққа шығады деп жоспарланып отыр.
Лаула Асқар
