Құрметті Алматы облысының арулары!
Сіздерді көктемнің ең шуақты мерекесі 8 наурыз – Халықаралық әйелдер күнімен шын жүректен құттықтаймын!
Бұл күн – сіздердің мейірімдеріңіз бен ақыл-парасаттарыңызға, еңбектеріңіз бен қайсарлықтарыңызға деген ерекше құрметтің белгісі. Сіздер – отбасының тірегі, қоғамның ұйытқысы, жас ұрпақтың тәрбиешісі ғана емес, ел дамуына үлес қосқан белсенді мамансыздар. Өңірімізде басқару саласында еңбек ететін әйелдер үлесі 27 пайызды, ал мемлекеттік қызметтегі нәзік жандардың үлесі 58 пайызды құрайды. Сонымен қатар 52 мыңнан астам көпбалалы анамыздың 18 мыңнан астамы «Алтын алқа» және «Күміс алқа» иегері атанған.
Аналарымыз бен әжелеріміз жас ұрпаққа ізгілік пен адамгершілік дәнегін дарытып, бойына еңбекқорлық пен білімге құштарлық қасиеттерін сіңіруде. Сіздердің еселі еңбектеріңіз, төзім мен даналықтарыңыз өңірдің дамуына оң ықпал етіп келеді. Осы жарқын мереке сіздерге қуаныш, жылулық пен махаббат сыйласын! Дендеріңізге саулық, шаңырақтарыңызға шаттық пен береке тілеймін!
Құрметпен,
Марат СҰЛТАНҒАЗИЕВ,
Алматы облысының әкімі
