Алматы облысының жаңа орталығы Қонаев қаласында Қазақстан Республикасының Мемлекеттік рәміздер күні құрметіне арналған «Мемлекеттік рәміздер ел мәртебесі»
атты мерекелік жиын өтті. Ретро көліктердің қала бойынша автошеруі қаланы аралады.
Орталық алаңда жиналған қала тұрғындары мен қонақтарды облыс әкімі Марат Сұлтанғазиев пен облыстық Ассамлея мүшесі, “Ронай” күрд этномәдени орталығының төрағасы Гамзе Гейдаров мерекемен құттықтады.
Мереке құрметіне ұзындығы 30 метр, ені 15 метр және салмағы 150 келіге жуық елдің туы жайылды. Алматы облысының әкімі Марат Сұлтанғазиевтің қатысуымен “Мемлекеттік туым-менің мақтанышым” челленджі аясында ауқымды трендтік бейнеролик түсірілді.
Мерекелік іс-шараға еңбек ардагерлері, өңір аумағында жұмыс істейтін Қазақстан мемлекеттік және құқық қорғау органдарының қызметкерлері, мұғалімдер, дәрігерлер, оқушылар, студенттер, кәсіпкерлер, әскери және қоғамдық ұйымдардың өкілдері қатысты.
Бұқаралық салтанатты іс-шаралар Алматы облысының барлық аудандары мен қалаларында өтті.
Айжарық КӨПТІЛЕУОВ,
Қонаев қаласы
