Жаңа Конституцияның күшіне енуі – еліміздің қоғамдық-саяси дамуындағы тарихи маңызы зор қадам. Бұл құжат азаматтардың құқықтары мен бостандықтарын қорғауды күшейтіп, мемлекеттік басқару жүйесін жетілдіруге, заң үстемдігін қамтамасыз етуге және қоғам мен мемлекеттің өзара сенімін нығайтуға бағытталған.
Алатау қаласының тұрғындары үшін де Жаңа Конституция – тұрақтылықтың, қоғамдық келісімнің және орнықты дамудың берік кепілі. Бүгінде қалада заңдылықты сақтау, азаматтардың құқықтарын қорғау, қоғамдық қауіпсіздікті қамтамасыз ету және халықпен ашық диалог орнату бағытында жүйелі жұмыстар жүргізілуде. Бұл бастамалардың барлығы Жаңа Конституцияда айқындалған қағидаттармен үндеседі.
Конституция – әрбір азаматтың құқықтары мен міндеттерін айқындайтын басты құжат. Ол заң алдында бәрінің теңдігін, адам құқықтарының қорғалуын, мемлекеттік институттардың тиімді әрі ашық жұмыс істеуін қамтамасыз етеді. Сондықтан Конституция талаптарын құрметтеу – әрбір азаматтың ортақ жауапкершілігі.
Алатау қаласында Конституция құндылықтарын кеңінен насихаттау мақсатында түрлі ақпараттық-түсіндіру кездесулері, дөңгелек үстелдер, жастармен пікірталастар, қоғамдық қабылдаулар және құқықтық ағарту іс-шаралары ұйымдастырылуда. Бұл жұмыстардың басты мақсаты – тұрғындардың құқықтық мәдениетін арттыру, заңға деген құрметті қалыптастыру және азаматтық жауапкершілікті нығайту.
Жаңа Конституция еліміздің экономикалық және әлеуметтік дамуына да жаңа серпін береді. Заң үстемдігі мен әділдік қағидаттарының нығаюы инвестициялық ахуалды жақсартып, кәсіпкерлікті дамытуға, жаңа жұмыс орындарын ашуға және халықтың әл-ауқатын арттыруға ықпал етеді. Алатау қаласы да осы өзгерістердің белсенді қатысушысы ретінде инфрақұрылымды дамыту, тұрғындарға қолайлы орта қалыптастыру және мемлекеттік қызметтердің сапасын арттыру бағытындағы жұмыстарды жалғастыруда.
Біздің ортақ мақсатымыз – заңға құрметпен қарайтын, бірлігі бекем, қауіпсіз әрі өркендеген қоғам қалыптастыру. Бұл жолда әрбір тұрғынның белсенді азаматтық ұстанымы мен жауапкершілігі ерекше маңызға ие.
Жаңа Конституция – Жаңа Қазақстанның берік іргетасы. Заң үстемдігі, қоғамдық келісім және ортақ жауапкершілік арқылы біз Алатау қаласының жарқын болашағын бірге қалыптастырамыз!