Бүгін, 23 тамызда, еліміздің қоғамдық-саяси өміріндегі маңызды оқиғалардың бірі – Қазақстан Республикасы Құрылтай депутаттарының сайлауы өтті. Алатау қаласында дауыс беру процесі жоғары ұйымдастырушылық деңгейде, тыныштық пен тұрақтылық жағдайында өтті.
Таңғы сағат 7:00-ден бастап қала аумағындағы сайлау учаскелері өз жұмыстарын бастап, азаматтарды қабылдады. Учаскелерде сайлаушылардың дауыс беруіне барлық қажетті жағдай жасалып, санитарлық, қауіпсіздік және ұйымдастырушылық талаптар қамтамасыз етілді.
Сайлау күні Алатау қаласының тұрғындары өз азаматтық ұстанымдарын білдіріп, елдің болашағына қатысты маңызды таңдау жасау үшін учаскелерге келді. Әр сайлаушының дауыс беру құқығын еркін әрі кедергісіз жүзеге асыруына мүмкіндік берілді.
Қаладағы сайлау учаскелерінде қоғамдық тәртіп пен қауіпсіздік қамтамасыз етіліп, тиісті қызметтер күшейтілген режимде жұмыс атқарды. Дауыс беру барысында заң бұзушылықтарға жол бермеу, азаматтардың қауіпсіздігін сақтау және сайлау процесінің қалыпты өтуін қамтамасыз ету басты назарда болды.
Алатау қаласының әр шағынауданында – Қоянқұс, Жетіген, Заречный, Арна, Ынтымақ, Жаңадәуір, Жанаталап, Дәулет, Еңбек және басқа да елді мекендерде дауыс беру процесі штаттық режимде ұйымдастырылды.
Сайлау учаскелерінде азаматтар кезекпен дауыс беріп, өз таңдауын жасады. Тұрғындардың арасында жастармен қатар аға буын өкілдері де белсенділік танытып, азаматтық жауапкершіліктің үлгісін көрсетті.
Құрылтай сайлауы – еліміздің қоғамдық-саяси дамуындағы жаңа кезеңнің маңызды қадамы. Бүгінгі сайлау әр азаматқа өз пікірін білдіріп, елдің болашағына қатысты таңдау жасауға мүмкіндік берді.
Алатау қаласында сайлау күнінің тыныш, ашық әрі ұйымдасқан түрде өтуі – қала тұрғындарының жауапкершілігі мен қоғамдық тұрақтылықтың айқын көрінісі.
Сайлау процесін ұйымдастыруға атсалысқан учаскелік сайлау комиссияларының мүшелері, құқық қорғау органдары, медицина қызметкерлері, коммуналдық және басқа да жауапты қызметтердің жұмысы да ерекше атап өтуге лайық.
Бүгін Алатау қаласы тағы бір маңызды саяси науқанды жоғары деңгейде өткізді. Тұрғындардың белсенді азаматтық ұстанымы, өзара сыйластық пен қоғамдық тәртіп – ел болашағына деген ортақ жауапкершіліктің көрінісі.
Құрылтай сайлауы – әр азаматтың таңдауы арқылы ел ертеңіне жол ашатын маңызды тарихи сәт.
Сембаев Ғабит
Алматы облысы Ішкі саясат басқармасының «Қоғамдық келісім және даму орталығы» КММ-нің Алатау қаласы бойынша жетекші сарапшысы