Жастардың бос уақытын тиімді ұйымдастыру – алкогольдің алдын алудың маңызды тетіктерінің бірі. Спорттық үйірмелер, шығармашылық клубтар мен қоғамдық жобалар жастардың қабілетін дамытуға мүмкіндік береді. Пайдалы іске қызыққан жас зиянды әдеттерден аулақ болуға ұмтылады. Ата-ана мен педагогтер жасөспірімнің қызығушылығын қолдап, дұрыс бағыт көрсетуі қажет. Қоғамда салауатты өмір салтын дәріптейтін орта қалыптастырудың да маңызы зор. Құқықтық түсіндіру жұмыстары жастарға өз әрекетінің салдарын түсінуге көмектеседі. Әр азамат қоғамдық тәртіпті сақтауға үлес қосуы тиіс. Саналы ұрпақ қалыптастыру үшін тәрбие мен алдын алу шаралары қатар жүруі қажет.
Айжарық КӨПТІЛЕУОВ