«Таза Қазақстан» бастамасы қоршаған ортаны қорғау мен елді мекендердің тазалығын сақтауға бағытталған маңызды қоғамдық іске айналып келеді. Тазалық тек арнайы қызметтердің емес, әрбір тұрғынның ортақ жауапкершілігі екенін ұмытпауымыз керек. Аула мен көшені таза ұстау, қоқысты белгіленбеген жерге тастамау – қарапайым мәдениеттің көрінісі. Сенбіліктер мен тазалық шараларына тұрғындардың белсенді қатысуы қоғамдағы экологиялық жауапкершілікті арттырады. Әсіресе жастардың табиғатты қорғау жұмыстарына араласуы өскелең ұрпаққа жақсы үлгі болады. Таза әрі көрікті елді мекен қалыптастыру күнделікті дағдыдан басталады. Сондықтан қоршаған ортаға жанашырлықпен қарап, тазалықты бірге сақтайық.
