Экологиялық мәдениетті қалыптастыру ең алдымен отбасынан басталады. Баланың тазалыққа, ұқыптылыққа және табиғатты қорғауға деген көзқарасы ата-ананың үлгісі арқылы қалыптасады. Үйде қоқысты дұрыс сұрыптау, аула тазалығын сақтау және жасыл желекке қамқорлық жасау қарапайым әдетке айналуы керек. «Таза Қазақстан» бастамасы осындай жауапты мәдениетті қалыптастыруға мүмкіндік береді. Тазалық жұмыстарына бірге қатысқан отбасы мүшелері ортақ іске деген жауапкершілікті де сезінеді. Әрбір таза аула мен жинақы көше – тұрғындардың белсенділігінің көрінісі. Сондықтан тазалықты сақтау бір күндік науқан емес, күнделікті өмір салты болуы қажет.
