Қоршаған ортаның тазалығы – халықтың тұрмыс сапасына тікелей әсер ететін маңызды факторлардың бірі. Осы ретте «Таза Қазақстан» бастамасы экологиялық мәдениетті арттыруға және табиғатқа жанашырлықпен қарауға үндейді. Тазалық шараларына мемлекеттік мекеме қызметкерлері ғана емес, тұрғындар, жастар мен қоғамдық ұйымдар да атсалыса алады. Ортақ іске жұмылған жұрт елді мекендердің тазалығы мен көркеюіне өз үлесін қосады. Қоқысты белгіленген орынға тастау, табиғи аумақтарды ластамау және жасыл желекті қорғау – әр азаматтың қарапайым міндеті. Экологиялық жауапкершілік бір күндік акциямен шектелмей, тұрақты өмір салтына айналуы тиіс. Тазалыққа деген көзқарас өзгерген сайын қоршаған ортаға деген қамқорлық та күшейе түседі. Таза табиғат пен көрікті елді мекен – ортақ еңбектің нәтижесі.
Ерзат АСЫЛ