Қысқа уақытта мол пайда табу туралы ұсыныстар көпшіліктің қызығушылығын тудыруы мүмкін. Алайда жоғары табысқа кепілдік беретін, тәуекелсіз ақша көбейтуді уәде ететін жобаларға ерекше сақтықпен қараған жөн. Мұндай ұсыныстардың артында қаржы пирамидасы тұруы ықтимал.
Қаржы пирамидасында бұрын қатысқан адамдарға төленетін қаражат көбіне жаңа қатысушылардың салымынан жиналады. Жаңа адамдардың келуі тоқтаған кезде жүйе бұзылып, көптеген қатысушы қаражатынан айырылуы мүмкін.
Күмәнді жобаны бағалағанда оның заңды тіркелуін, қызметінің мәнін, табыс көзін және келісімшарт талаптарын мұқият тексеру қажет. Тек таныстардың мақтауына немесе әлеуметтік желідегі жарнамаға сүйеніп ақша салу қауіпті. Қарыз алып, түсініксіз жобаға инвестиция салу тәуекелді одан әрі арттырады.
Қаржылық шешім қабылдауда асығыстыққа жол бермеген дұрыс. Күмәнді ұсынысты тексеру үшін уақыт бөлу – өз қаражатыңызды қорғаудың маңызды қадамы.
ТОҒЖАН ЖОЛДЫҒАЛИ