Ауладағы орындықтар, балалар алаңдары, аялдамалар мен қоғамдық ғимараттар – баршаға ортақ игілік. Олардың жағдайы тұрғындардың күнделікті өміріне әсер етеді. Сондықтан қоғамдық мүлікті сақтау – тазалық пен тәртіптің ғана емес, азаматтық жауапкершіліктің де көрінісі.
Кейде қабырғаларға жазу жазу, ойын алаңдарын бүлдіру немесе ортақ пайдаланылатын заттарды сындыру ұсақ әрекет секілді көрінуі мүмкін. Алайда мұндай қылықтар тұрғындарға қолайсыздық туғызып, қалпына келтіруге қосымша қаражат жұмсауды талап етеді.
Қоғамдық мүлікті қорғауда тұрғындардың белсенділігі маңызды. Ауладағы бүлінген нысандар туралы жауапты мекемелерге хабарлау, балаларға ортақ заттарды ұқыпты пайдалануды түсіндіру және тазалықты сақтау арқылы әр адам оң өзгеріске үлес қоса алады.
Қоғамдық кеңістікке деген көзқарас адамның ортақ іске қаншалықты жауапты қарайтынын көрсетеді. Өз үйімізді қалай күтіп ұстасақ, ортақ ортамызға да сондай жанашырлық танытуымыз керек.
АЙЖАРЫҚ КӨПТІЛЕУОВ