Отбасы – адамға мейірім мен қолдау сыйлайтын, қауіпсіздік сезімін қалыптастыратын орта. Алайда отбасындағы зорлық-зомбылық адамның құқығын бұзып, оның денсаулығы мен психологиялық жағдайына ауыр зардап әкелуі мүмкін. Мұндай жағдайларға көз жұма қарау мәселенің ушығуына жол ашады. Сондықтан зорлық-зомбылықтың белгілерін дер кезінде байқап, зардап шеккен адамға қолдау көрсету аса маңызды. Құқық қорғау органдары мен тиісті қызметтерге жүгіну қауіпсіздікті қамтамасыз етуге және заң аясында көмек алуға мүмкіндік береді. Әрбір азамат отбасындағы күш көрсету әрекеттерін қалыпты жағдай ретінде қабылдамай, адам қадір-қасиеті мен құқықтарын құрметтеуі қажет. Зорлық-зомбылықсыз отбасы қалыптастыру – берік қоғам мен бақытты болашақтың негізі.
Құралбек СӘБИТОВ